Сэтгэлийн ганганаа

ХИЧЭЭЖ БИЧСЭН 

ХИЧЭЭЛИЙН ДЭВТЭРТ 

ДӨРВӨЛЖИН ГУРВАЛЖИН 

ДҮН ТАВИНА

ТАВЬЖ ӨГДӨГГҮЙ

ТАВАН ХОШУУГ 

ТАЛЫГ НЬ ЗУРААД

ДЭВТРЭЭ ГОЁЛОО

Т ЭРДЭНЭ БААТАР 

Навчаа угаасан болохоор 

Намрын шороо татуулан

Гэртээ чи дандаа

Гэрийн шаахайтай алхдаг

Хивсэн дээрх толбоо

Хичээж цэвэрлэдгийг мэднэ

Хоёр нүүртэй болчихвол

Хоёулантай нь би найзлахгүй

т эрдэнэ баатар 

Хөөрөн цовхчих 

Хөөрхөн янзага

Хөл дороосоо 

Бэртэх бий

Хад чулуу

Хагархай шилэнд

Харалгүй гишгэж
Халтирах бий

т эрдэнэ баатар

Дэггүй дэгдээхээ

Дэрсэнд нуугдан

Алаг муурыг

Айлгахыг хүлээлээ

Өдрийн нар

Ууланд нуугдахад

Өөрийн гэрээ

Хайсаар гүйлээ

т эрдэнэ баатар 

Зугаацаж тоглоход шат гэмээр

Зураг зурахад бийр болмоор

Зааны хошуу яагаад

Урт болсон юм бол 

Зүггүй жаалууд хамраас нь 

Зүүгдэж тоглоод

Сунгачихсан юм болов уу

Урт хошуу нь өөрт нь зохицсон

Ухаантай амьтан юм билээ

Улс улсын циркийн тоглолтод

Уран үзүүлбэр харуулах юм билээ

Цантай өвлөөр чамайг урьж

Цанаар гулгаж үзүүлнэ дээ

т эрдэнэ баатар

Баавгай хулгана туулай 

Байшин барихаар болов

Гар нийлсэн учир

Ганган байшин босгов

Хаалга гаргах

Хариуцлагатай үед

Өөр өөрийн

Багтах хаалгыг

Өндөр байшиндаа

Хийх гэж оролдов 

Хулгана нам дуугар

Том хаалга

Надад тээртэй

Түлхүүр цоожинд

Би хүрэхгүй гэхэд

Туулай өндөр дуугаар

Хулганын хаалгаар

Би багтахгүй

Миний найзууд

Бүр орохгүй

Өөрийн хаалгаа

Өмнөө бариад

Өчиг үгүй зөрүүдлэхэд

Баавгай дуу гаргалгүй

Өөрийн орох хаалганд

Өрвөлзөх туулайн хаалгыг

Бат бөх бэхлэн

Бие жижиг хулганын

Бэлдэж хийсэн хаалгыг

Туулайн хаалганд бэхэлж

Түлхүүрийг хулганад өгөв

Аль дуртай хаал...

Тоть чи мундаг

Торолгүй үг цээжилж

Толгойгоо эргэхийг мэдэхгүй

Тоочиж бүгдийг хэлэх юм

Тоо цээжлэх аргаасаа

Түргэн заагаад өгчихвөл

Аавын цалин буухаар

Амттай чихэр өгнө шүү

Алдаагүй тоогоо боддог

Ангидаа мундаг нь  болно доо

                                                                       т эрдэнэ-баатар

Тоть чи мундаг

Торолгүй үг цээжилж

Толгойгоо эргэхийг мэдэхгүй

Тоочиж бүгдийг хэлэх юм

Тоо цээжлэх аргаасаа

Түргэн заагаад өгчихвөл

Аавын цалин буухаар

Амттай чихэр өгнө шүү

Алдаагүй тоогоо боддог

Ангидаа мундаг нь  болно доо

                                                                       т эрдэнэ баатар

Сэгсгэр сүүлтэй хэрмийг 

Сэтгэлгүй үнэгтэй андуурч

Сүүл бие ний хөдөлгөөнийг

Сүрхий ажин гайхав

Хураадаг хуурдаг хоёр нь

Хол зайтайг мэдээд

Хэлбэр дүрс нь ижилхэн ч

Хэлдэг үгээр нь ялгав

                                         т эрдэнэ баатар

Зав багатай болохоор

Загас дуугардаггүй юм билээ

Залуу хөгшин ялгаагүй

Зажилж байдаг юм билээ

Бүл олон болохоор

Бүгд ажигладаг юм билээ

Бүтэн шөнийн уртад ч

Нүд цавчлахгүй юм билээ

            пч 2      пд 17  замчин т  эрдэнэбаатар